又係借打機講歷史嘅時間喇！之前提及過曹操配劍嘅問題，咁相信史友們都知打《三國志》個陣曹操就有好多寶物，其中一樣就係撤退成功率100%嘅良駒，即係馬。通常响遊戲當中，曹操會先後有兩匹愛駒，先有絕影，後有爪黃飛電。咁到底又係咪真係有呢？

絕影呢同孟德劍一樣，响陳壽寫嘅《三國志》就無提及，不過响裴松之嘅注當中就有。裴松之引三國時期史家魚豢所著嘅《魏書》，提及到曹操响宛城被張繡突襲，逃走時所騎嘅就係絕影：「公所乘馬名絕影，為流矢所中，傷頰及足，並中公右臂。」不過有趣嘅係，响《三國演義》當中，反而好似無提及絕影（如果有麻煩史友們留言講講），响曹操被張繡偷襲個段情節，只係話佢騎嘅係大宛良馬。嘩！反而係咁....

原圖嚟自網絡